કાર્લા બ્રુની 2024 કુંડળી

પ્રેમની બાબતમાં તમે એટલા જ જોશીલા છો જેટલા તમે કામ અને રમત-ગમત માટે છો. તમે જ્યારે પ્રેમમાં પડો છો ત્યારે તમે સમયની દરેક મિનિટે તમારા ઇચ્છિત પાત્ર સાથે રહેવા માંગો છો. તમારા કામની તમે અવગણના નહીં કરો તેટલા તમે સમજદાર છો. પરંતુ જેવું કામ પૂરું થયું કે તરત જ તમે આયોજિત મુલાકાત માટે મળવાના સમયે અને સ્થાને ખૂબ જ ઉતાવળથી પહોંચશો. જ્યારે લગ્ન થઈ જશે ત્યારે તમે ઘરના સંચાલન ઉપર અધિપત્ય રાખશો. જરૂરી નથી કે સંચાલન આક્રમક હોય, તે કાર્યક્ષમ ચોક્કસ હશે. જો તમે સ્ત્રી હશો તો તમે તમારા પતિને તેના વ્યવસાયની બાબતોમાં મદદ કરશો અને આ તમે નોંધનીય કાર્યક્ષમતાથી કરશો.

તમારા શરીરનું બંધારણ કે ઘડતર મજબૂત છે, પણ કામ અને રમતથી તેની ઉપર ગજા ઉપરાંતનો બોજો લાદવો એ તમારું વલણ છે. તમે જે કાંઈ કરો છો તે મહેનતપૂર્વક કરો છો, એટલા માટે જીવન તમારામાંથી ઘણું જ વધારે ખેંચી લે છે. તમારા કામ તમે સ્વસ્થતાપૂર્વક કરો, ચર્ચાવિચારણા કરો, વધારે મિનિટો ચાલવાનું રાખો અને જમવા માટે વધારે સમય લો. ઊંઘના કલાકો ક્યારેય ઓછ ન કરો, અને જેમ બને તેમ કામના મુકરર સમય પછી વધારાનું કામ કરવાનું ટાળો. જેમ બને તેમ લાંબી રજાઓ પર જાઓ અને તે આરામદાયક બને તેવું આયોજન કરો. જ્યારે માંદગી આવશે ત્યારે તમારું હૃદય તમને સૌથી પહેલાં તકલીફ આપશે. જો તે ગજા ઉપરાંતનું કામ કરતું હશે તો તે તમારી સામે બળવો કરશે, પણ પહેલી વખત તે હળવો હશે. પહેલી મુશ્કેલીની નિશાની પરથી જ તાકીદ કરો, ત્યાર પછીનો બનાવ વધારે ગંભીર હશે.

તમને માનસિક કસરત કરવાનું પસંદ છે અને કલા જેટલી વધારે સુસંસ્કૃત તેટલું તમારા માટે વધારે સારું. પ્રવાસના માર્ગ પર જવાને બદલે તમને તેનું આયોજન કરવામાં વધારે આનંદ આવે છે. પુસ્તકો અને વાંચનને તમે પ્રેમ કરો છો, અને કલાત્મક કે વૈજ્ઞાનિક વસ્તુઓના સંગ્રહસ્થાનમાં લટાર મારવામાં તમને આનંદ આવે છે. તમને જૂની અને ખુબ જ જૂની વસ્તુઓમાં વિશિષ્ટ લગાવ છે.