રેવતી 2024 કુંડળી

કેમ કે એક નોકરીમાં લાંબા સમય સુધી ટકી રહેવું તમને મુશ્કેલ જણાય છે, તમારે સૅલ્સમેનશિપ જેવા ક્ષેત્રોમાં નોકરી શોધવી જોઈએ, જ્યાં તમે સતત નવા લોકોને મળી શકો. તમારી નોકરી તમને અનેક ટ્રાન્સફર્સ તથા સ્થળાંતરો આપે તેવી હોવી જોઈએ, જેથી તમે સતત નવા વાતાવરણમાં, નવા લોકો અને નવી જવાબદારીઓ સાથે રહેશો.

શુષ્ક તથા સુરક્ષિત વ્યવસાયમાં તમે ખુશ નહીં રહી શકો. જ્યાં સુધી દરેક દિવસ પોતાની સાથે જેનો ઉકેલ લાવવાનો છે અથવા જેના પર વિજય મેળવવાનો છે એવી સમસ્યાઓનો નવો જથ્થો પોતાની સાથે લાવશે, તમે સંતુષ્ટ રહેશો. વળી, જોખમનો મસાલો તથા હિંમત દાખવવાની શક્યતા ધરાવતી પરિસ્થિતિઓ તમને ઓર ખુશ કરશે. આવા પ્રકારના કેટલાક વ્યવસાયોના ઉદાહરણો છેઃ સર્જન, કન્સ્ટ્રક્શન એન્જિનિયર, ઉચ્ચ મેનેજમેન્ટમાં પદ. સર્જન તરીકેનું કામ તમને ઉત્સાહિત કરશે કેમ કે લોકોના જીવન તથા તમારી પોતાની શાખ તમારા કાર્યો પર અવલંબે છે.કન્સ્ટ્રક્શન એન્જિનિયરે બાંધકામ કરતી વખતે કેટલાક મોટા પડકાર ઝીલવાના હોય છે.અમારો કહેવાનો આશય એટલો જ કે જોખમનું ઉચ્ચ પ્રમાણ ધરાવતા તથા ઉચ્ચ કૌશલ્યની જરૂર હોય એવા વ્યવસાયો તમારી માટે યોગ્ય છે.

નાણાકીય બાબતોના વ્યવહારમાં તમે અત્યંત ચોક્ક્સ હશો અને નાની નાની બાબતોમાં તમારી છાપ એક કંજૂસની હશે. ભવિષ્યની બાબતમાં તમારી વૃત્તિ અતિ-આતુર રહશે અને આ કારણથી તમે તમારી પાછલી ઉમર માટે સારી જોગવાઈ કરવાનો પ્રયાસ કરશો. જો તમે વેપારી હશો તો તમે જીવનના પ્રવૃત્ત કામમાંથી વહેલી નિવૃતિ લેશો. સ્ટોક-શૅર, અને ઉદ્યોગની બાબતોમાં તમારી દૂરદૃષ્ટિ નોંધનીય હશે. તમે શૅરોમાં સટ્ટો કરવાની વૃત્તિવાળા હશો. આવી બાબતોમાં જો તમે તમારી યોજના અને અન્તદૃષ્ટિને અનુસરો તો તમને સફળતા મળવાની શક્યતા છે. જો તમે અન્યોની સલાહ કે અફવાઓ પર આધાર રાખશો તો તે તમારા માટે આફતભર્યું રહેશે.