काम आणि खेळांबाबत तुम्ही जितके उत्साही असता तेवढेच उत्साही प्रेमाबाबतही असता. तुम्ही जेव्हा प्रेमात पडता तेव्हा तुम्हाला सतत त्या व्यक्तीचा सहवास हवा असतो. तुम्ही कामाकडे दुर्लक्ष करत नाही. पण जेव्हा काम संपते तेव्हा तुम्ही ठरवलेल्या ठिकाणी वेळत पोहचण्यासाठी घाई करता. लग्न झाल्यावर मात्र घरात तुमची सत्ता असावी, असे तुम्हाला वाटत असते. केवळ आक्रमकपणे सत्ता गाजवणे गरजेचे नाही, चांगल्या प्रकारेही सत्ता गाजवता येते. तुम्ही स्त्री असाल तर तुम्ही तुमच्या पतीला व्यवसायात मदत कराल आणि तुम्ही हे काम अत्यंत कौशल्याने पार पाडाल.

तुम्ही दणकट आहात असे म्हणणे ही दिशाभूल ठरेल. असे असले तरी थोडीशी काळजी घेतली तर तुम्ही दीर्घायुषी आयुष्य जगू शकाल. दोन गोष्टींकडे लक्ष देण्याची गरज आहे. अपचन आणि संधिवात. अपचनासंदर्भात सांगायचे झाले तर भराभर जेवू नका, शांतपणे जेवा. त्याचप्रमाणे दिवसातून नियमित वेळा आहार घ्या. जोपर्यंत तुम्ही आर्द्र हवेत किंवा थंड वाऱ्यांच्या सानिध्यात किंवा ओले पाय करून राहत नसाल तर संधिवाताची काळजी करण्याची गरज नाही.

तुम्हाला वस्तू गोळा करण्याचा छंद आहे. पोस्टाचे स्टँप, जुनी नाणी इत्यादी गोळ करणे तुम्हाला आवडते. त्याचप्रमाणे तुम्हाला एखादी वस्तू टाकून देणे जीवावर येते. तुम्हाला नेहमी वाटत राहते की, कदाचित ती वस्तू भविष्यकाळात उपयोगी पडेल, त्यामुळे तुम्ही जन्मतःच संकलक आहेत. तुमचे छंद हे मैदानी नसू घरगुती आहेत. तुम्हाला एखादी वस्तू तयार करण्यासाठी आवश्यक असणारा संयम आहे आणि त्यासाठीचे कौशल्य नसेल तर तुम्ही ते चटकन अवगत करू शकता.