तुम्ही अगदी सहज लग्न कराल. बरेचदा प्रेमापेक्षा मैत्रीला जास्त महत्त्व दिले जाते. तुम्ही फार प्रेमपत्र वगैरे लिहिणार नाही. तुमच्या संबंधांमध्ये जितका कमी रोमान्स येईल, तितके चांगले राहील. पण लग्नानंतर मात्र असे करणे उचित राहणार नाही. लग्नानंतर मात्र तुम्ही रोमान्स अगदी मनपासून कराल आणि काही वर्ष उलटून गेल्यावरही तुम्ही तसेच राहाल.

आरोग्याचा विचार करता तुम्ही सुदैवी आहात. तुमची प्रकृती उत्तम आहे. पण जर कोणता अवयव इतर अवयवांच्या मानाने नाजूक असेल तो म्हणजे हृदय, आणि हृदयाशी जोडलेले अवयव. त्यामुळे चाळीशीनंतर हृदयाकडे नीट लक्ष द्या आणि त्यावर फार ताण येऊ देऊ नका. तुमच्या डोळ्यांचीही काळजी घ्या. पण ही काळजी उतारवयात घ्यायची नसून तरूणपणीच घ्यायची आहे. तुम्ही तारुण्य पार केले असेल आणि तुमची नजर उत्तम असेल तर समजा की, तुम्ही ते धोकादायक वळण पार केले आहे. उत्तेजक पदार्थांचा तुमच्यावर दुष्परिणाम होऊ शकतो. यांचे सेवन टाळता आले तर तुम्ही निरोगी दीर्घायुष्य जगाल.

तुम्हाला वस्तू गोळा करण्याचा छंद आहे. पोस्टाचे स्टँप, जुनी नाणी इत्यादी गोळ करणे तुम्हाला आवडते. त्याचप्रमाणे तुम्हाला एखादी वस्तू टाकून देणे जीवावर येते. तुम्हाला नेहमी वाटत राहते की, कदाचित ती वस्तू भविष्यकाळात उपयोगी पडेल, त्यामुळे तुम्ही जन्मतःच संकलक आहेत. तुमचे छंद हे मैदानी नसू घरगुती आहेत. तुम्हाला एखादी वस्तू तयार करण्यासाठी आवश्यक असणारा संयम आहे आणि त्यासाठीचे कौशल्य नसेल तर तुम्ही ते चटकन अवगत करू शकता.