काम आणि खेळांबाबत तुम्ही जितके उत्साही असता तेवढेच उत्साही प्रेमाबाबतही असता. तुम्ही जेव्हा प्रेमात पडता तेव्हा तुम्हाला सतत त्या व्यक्तीचा सहवास हवा असतो. तुम्ही कामाकडे दुर्लक्ष करत नाही. पण जेव्हा काम संपते तेव्हा तुम्ही ठरवलेल्या ठिकाणी वेळत पोहचण्यासाठी घाई करता. लग्न झाल्यावर मात्र घरात तुमची सत्ता असावी, असे तुम्हाला वाटत असते. केवळ आक्रमकपणे सत्ता गाजवणे गरजेचे नाही, चांगल्या प्रकारेही सत्ता गाजवता येते. तुम्ही स्त्री असाल तर तुम्ही तुमच्या पतीला व्यवसायात मदत कराल आणि तुम्ही हे काम अत्यंत कौशल्याने पार पाडाल.

आरोग्याच्या बाबतीत फार काळजी करण्याची गरज नाही. तुमची प्रकृती आदर्श नसली तरी त्यात फार दोष नाहीत. पण तुम्ही काळजी घेतली पाहिजे. फुफ्फुसे ही सर्वात कमकुवत आहेत. चेतासंस्थाही त्रास देऊ शकते. डोकेदुखी आणि अर्धशीशीचा त्रास होऊ सकतो. त्यामुळे नैसर्गिक आयुष्य जगा, मोकळ्या हवेत फिरायला जा, खाता-पिताना सौम्य आहार घ्या.

तुम्हाला मानसिक समाधान देणारे छंद आवडतात आणि विविध कला तुम्हाला अधिक आवडतात. तुम्हाला पर्यटनापेक्षा पर्यटनाचे आयोजन करणे अधिक आवडते. तुम्हाला वाचन आणि पुस्तकांची आवड आहे आणि संग्रहालयात भटकणे आवडते. तुम्हाला जुन्या, प्राचीन वस्तूंचे खूप आकर्षण आहे.