तुम्हाला एकट्याने आयुष्य व्यतीत करणे आवडणार नाही आणि जसजसे तुमचे वय वाढत जाईल तसतसा तुमचा आनंद आणि दुःख वाटून घेण्यासाठी तुम्हाला जोडीदाराची आवश्यकता भासेल. तुम्ही तुमचे घर स्वतः रचाल आणि लग्न केल्यानंतर तुमच्या घराला पूर्णत्व येईल. तुमचे घर हाच तुमचा देव असेल. जर तुम्ही स्त्री असाल तर मुले झाल्यानंतर तुम्ही पूर्ण आनंदी व्हाल. तुम्ही अर्थातच प्रेमासाठी लग्न कराल आणि जसजशी वर्ष सरत जातील तुम्ही तुमच्या जोडीदाराचा जास्तीत जास्त िवचार कराल आणि एक वेळ अशी येईल की तुम्ही एक-दोन दिवसांचा विरहसुद्धा सहन करू शकणार नाही.

तुम्ही कसे वागता यावर तुम्ही किती वर्ष जगाल हे अवलंबून आहे. तुमच्यात दीर्घायुष्य जगण्याची क्षमता आहे. हे प्रत्यक्षात उतरवायचे असेल तर तुम्हाला तुमच्या फुफ्फुसांची काळजी घेणे आवश्यक आहे. जेवढी ताजी हवा घेऊ शकता, तेवढी घ्या आणि मोकळ्या हवेत जेवढे राहता येईल तेवढे राहण्याचा प्रयत्न करा. नियमित चालण्याचा सराव करा आणि चालताना डोके वर आणि छाती पुढे असू दे. सर्दी आणि खोकल्याकडे दुर्लक्ष करू नका. आर्द्रता तुमच्यासाठी खूपच अपायकारक आहे. त्याचप्रमाणे तुमच्या पचनाकडेही लक्ष द्या. पचण्यास जड अन्न खाऊन पचनसंस्थेवर जास्त ताण देऊ नका. सपक आहार सर्वात उत्तम.

वाचन, चित्रकला, नाटक आणि अशा प्रकारचे मनोरंजन जे कलापूर्ण किंवा साहित्यिक अनुभव देत असेल ते तुमच्या मनात भरेल. तुम्हाला अचानक अध्यात्माची किंवा अद्भूत गोष्टींचे आकर्षण वाटायला लागले तर त्यात आश्चर्य वाटायला नको. कोणत्याही प्रकारचा प्रवास तुम्हाला आवडतो. क्रिकेट आणि फुटबॉलसारख्या खेळांसाठी तुम्ही फार कमी वेळ खर्च कराल. टेबल टेनिस, कॅरम आणि बॅडमिंटनसारखे इनडोअर खेळ खेळणे तुम्हाला आवडते.