तुम्हाला एकट्याने आयुष्य व्यतीत करणे आवडणार नाही आणि जसजसे तुमचे वय वाढत जाईल तसतसा तुमचा आनंद आणि दुःख वाटून घेण्यासाठी तुम्हाला जोडीदाराची आवश्यकता भासेल. तुम्ही तुमचे घर स्वतः रचाल आणि लग्न केल्यानंतर तुमच्या घराला पूर्णत्व येईल. तुमचे घर हाच तुमचा देव असेल. जर तुम्ही स्त्री असाल तर मुले झाल्यानंतर तुम्ही पूर्ण आनंदी व्हाल. तुम्ही अर्थातच प्रेमासाठी लग्न कराल आणि जसजशी वर्ष सरत जातील तुम्ही तुमच्या जोडीदाराचा जास्तीत जास्त िवचार कराल आणि एक वेळ अशी येईल की तुम्ही एक-दोन दिवसांचा विरहसुद्धा सहन करू शकणार नाही.

अतिकाम आणि अतिताण घेणे टाळा. तुम्ही या दोन्ही गोष्टी करता आणि तुमचा स्वभाव असा आहे की ज्यामुळे तुम्हाला धोका पोहोचू शकतो. तुम्ही भरपूर झोप घ्या आणि झोपताना कसलाही विचार करू नका. त्यावेळी तुमचे मन पूर्ण रिकामे असू द्या. आठवड्यातील सुट्टीच्या वारी फक्त आराम करा आणि आठवडाभर ज्या गोष्टी करायच्या राहिल्या होत्या त्या करण्यात वेळ घालवू नका. खूप खळबळ ही चांगली नसते आणि अति घाई संकटात नेई हे लक्षात ठेवा. त्यामुळे प्रसन्न आणि शांत आयुष्य जगण्याचा प्रयत्न करा. ज्या गोष्टी करणे शक्य नाही, त्याबाबत चिंता करणे टाळा. निद्रानाशा, न्यूराल्जिया (मज्जातंतूवेदना), डोकेदुखी, डोळ्यांवर ताण येणे यासारखे विकार वयाच्या तिशीनंतर होऊ शकतात.

फावला वेळ जोमदारपणे घालवणे तुम्हाला आवडते आणि त्याचा तुम्ही सदुपयोग करता. तुमच्या उर्जेचा विचार करता फुटबॉल, टेनिस इत्यादी खेळ तुमच्यासाठी उत्तम राहतील आणि तुमचे कौशल्य त्यात उत्तम असेल. प्रौढ वयात तुम्हाला चालण्याचा व्यायाम जास्त आवडेल. पण चार मैल चालण्याऐवजी चौदा मैल चालण्याचा तुम्ही विचार कराल. सुट्टी घालविण्यासाठी समुद्रकिनारी बसणे आणि केवळ खाण्यापिण्यात वेळ घालवणे तुम्हाला मान्य नसते. दूरवर दिसणाऱ्या टेकड्या तुम्हाला साद घालतात आणि त्या जवळून कशा दिसतात हे पाहण्याची तुम्हाला हौस असेल.