तुमच्या व्यावसायिक आयुष्यात तुम्ही हक्क गाजवणारे आणि दुराग्रही आहात. तुम्ही अनुयायी असता कामा नये, तुम्ही नेता व्हावे. समस्यांकडे वस्तुनिष्ठतेने पाहण्याचा प्रयत्न करा. हटवादीपणाने निर्णय घेऊ नका कारण तुमच्या कामाच्या आनंदात आणि यशात हा एक मोठा अडथळा ठरू शकतो.

रटाळ आणि सुरक्षित कार्यक्षेत्र तुम्हाला आवडणार नाही. जोपर्यंत तुमच्यासमोर दररोज वेगवेळ्या समस्या येतायत ज्या सोडवणे आणि ज्यांच्यावर मात करणे आवश्यक राहील, तोपर्यंत तुम्ही त्या कार्यक्षेत्रात समाधानी असाल. जिथे धोका पत्करण्याची आणि धाडसीपणा दाखविण्याची गरज असेल, असे क्षेत्र तुम्हाला अधिक आवडेल. उदा. सर्जन, बांधकाम अभियंता, वरिष्ठ व्यवस्थापकीय पद. सर्जन हे कार्यक्षेत्र तुम्हाला आवडेल कारण लोकांचे आयुष्य आणि तुमची प्रतिष्ठा तुमच्या कृतीवर अवलंबून असेल. बांधकाम अभियंत्याला बांधकामाच्या वेळी, उदा. एखाद्या पुलाच्या बांधकामाच्या वेळी अनेक समस्यांवर मात करावी लागते. ज्या क्षेत्रामध्ये प्रचंड क्षमतेची आवश्यकता असेल किंवा थोडासा धोका पत्करावा लागत असेल, ते कार्यक्षेत्र तुमच्यासाठी उत्तम राहील.

आर्थिक बाबतीत सुरुवातीच्या काळात तुम्ही खूप नशीबवान असाल. पण आर्थिक तरतूद न करण्याच्या तुमच्या स्वभावामुळे तुम्हाला भविष्यकाळात हालाखीची परिस्थिती पाहावी लागू शकते. आर्थिक बाबतीत तुम्ही दूरदर्शीपणे विचार करत नाही. तुम्ही पैसा मिळविण्यासाठी फार कष्ट करत नाही. तुम्ही बौद्धिक स्तरावर राहणे पसंत करता आणि केवळ तुमच्या तातडीच्या गरजा पुरवण्याइतका पैसा मिळविण्यासाठी प्रयत्नशील असता. तुम्ही आशावादी गटात मोडता आणि तुम्हाला स्वप्नात जगायला आवडते.