तुम्ही तुमच्या जोडीदाराची निवड काळजीपूर्वक कराल. अशा वेळी चूक केली तर त्याचे परिणाम काय होतील ते तुम्हाला चांगलेच माहित असल्यामुळे तुम्ही काळजी घ्याल. यामुळे तुमचे लग्न काहीसे उशीरा होईल. पण एकदा तुमचा निर्णय झाला की, तुम्ही एक उत्तम जोडीदार असाल.

तुम्ही कसे वागता यावर तुम्ही किती वर्ष जगाल हे अवलंबून आहे. तुमच्यात दीर्घायुष्य जगण्याची क्षमता आहे. हे प्रत्यक्षात उतरवायचे असेल तर तुम्हाला तुमच्या फुफ्फुसांची काळजी घेणे आवश्यक आहे. जेवढी ताजी हवा घेऊ शकता, तेवढी घ्या आणि मोकळ्या हवेत जेवढे राहता येईल तेवढे राहण्याचा प्रयत्न करा. नियमित चालण्याचा सराव करा आणि चालताना डोके वर आणि छाती पुढे असू दे. सर्दी आणि खोकल्याकडे दुर्लक्ष करू नका. आर्द्रता तुमच्यासाठी खूपच अपायकारक आहे. त्याचप्रमाणे तुमच्या पचनाकडेही लक्ष द्या. पचण्यास जड अन्न खाऊन पचनसंस्थेवर जास्त ताण देऊ नका. सपक आहार सर्वात उत्तम.

तुम्हाला कोणते छंद आवडतात असे स्वतःला विचारले तर शारीरिक श्रमांपेक्षा तुमच्या बुद्धीला चालना देणारे छंद तुम्हाला अधिक आवडतात. त्यात तुम्हाला चांगलेच यश मिळेल. तुम्ही चांगले बुद्धीबळपटू होऊ शकाल. तुम्हाला पत्ते आवडत असतील तर तुम्ही उत्तम ब्रिज खेळाडू व्हाल.