तुमच्या आयुष्यात प्रेम लवकर येईल आणि जेव्हा ते येईल तेव्हा ते उत्कट असेल. पण एखादी मोठी ज्योत पटकन विझते तसे तुम्ही अंतिम निर्णय घेण्याआधीच प्रेमातून बाहेर पडाल. लग्न लवकर होणार नाही, पण जेव्हा ते होईल तेव्हा ते आनंदी असेल.

आरोग्याचा विचार करता तुम्ही सुदैवी आहात. तुमची प्रकृती उत्तम आहे. पण जर कोणता अवयव इतर अवयवांच्या मानाने नाजूक असेल तो म्हणजे हृदय, आणि हृदयाशी जोडलेले अवयव. त्यामुळे चाळीशीनंतर हृदयाकडे नीट लक्ष द्या आणि त्यावर फार ताण येऊ देऊ नका. तुमच्या डोळ्यांचीही काळजी घ्या. पण ही काळजी उतारवयात घ्यायची नसून तरूणपणीच घ्यायची आहे. तुम्ही तारुण्य पार केले असेल आणि तुमची नजर उत्तम असेल तर समजा की, तुम्ही ते धोकादायक वळण पार केले आहे. उत्तेजक पदार्थांचा तुमच्यावर दुष्परिणाम होऊ शकतो. यांचे सेवन टाळता आले तर तुम्ही निरोगी दीर्घायुष्य जगाल.

तुम्ही अनेक छंद जोपासाल. तुम्ही त्या छंदांमध्ये व्यस्त राहाल. अचानक तुमचा संयम सुटेल आणि तो छंदही सोडून द्याल. दुसरा छंद धराल आणि त्याबाबतही असेच होईल. तुम्ही तुमचे आयुष्य अशाच प्रकारे जगाल. एकूणातच हे छंद तुम्हाला भरपूर आनंद देतील. तुम्ही त्यातून भरपूर शिकाल.