तुम्ही अगदी सहज लग्न कराल. बरेचदा प्रेमापेक्षा मैत्रीला जास्त महत्त्व दिले जाते. तुम्ही फार प्रेमपत्र वगैरे लिहिणार नाही. तुमच्या संबंधांमध्ये जितका कमी रोमान्स येईल, तितके चांगले राहील. पण लग्नानंतर मात्र असे करणे उचित राहणार नाही. लग्नानंतर मात्र तुम्ही रोमान्स अगदी मनपासून कराल आणि काही वर्ष उलटून गेल्यावरही तुम्ही तसेच राहाल.

आरोग्याचा विचार करता तुम्ही सुदैवी आहात. तुमची प्रकृती उत्तम आहे. पण जर कोणता अवयव इतर अवयवांच्या मानाने नाजूक असेल तो म्हणजे हृदय, आणि हृदयाशी जोडलेले अवयव. त्यामुळे चाळीशीनंतर हृदयाकडे नीट लक्ष द्या आणि त्यावर फार ताण येऊ देऊ नका. तुमच्या डोळ्यांचीही काळजी घ्या. पण ही काळजी उतारवयात घ्यायची नसून तरूणपणीच घ्यायची आहे. तुम्ही तारुण्य पार केले असेल आणि तुमची नजर उत्तम असेल तर समजा की, तुम्ही ते धोकादायक वळण पार केले आहे. उत्तेजक पदार्थांचा तुमच्यावर दुष्परिणाम होऊ शकतो. यांचे सेवन टाळता आले तर तुम्ही निरोगी दीर्घायुष्य जगाल.

फावला वेळ जोमदारपणे घालवणे तुम्हाला आवडते आणि त्याचा तुम्ही सदुपयोग करता. तुमच्या उर्जेचा विचार करता फुटबॉल, टेनिस इत्यादी खेळ तुमच्यासाठी उत्तम राहतील आणि तुमचे कौशल्य त्यात उत्तम असेल. प्रौढ वयात तुम्हाला चालण्याचा व्यायाम जास्त आवडेल. पण चार मैल चालण्याऐवजी चौदा मैल चालण्याचा तुम्ही विचार कराल. सुट्टी घालविण्यासाठी समुद्रकिनारी बसणे आणि केवळ खाण्यापिण्यात वेळ घालवणे तुम्हाला मान्य नसते. दूरवर दिसणाऱ्या टेकड्या तुम्हाला साद घालतात आणि त्या जवळून कशा दिसतात हे पाहण्याची तुम्हाला हौस असेल.