तुम्ही मित्रांना कधीच विसरत नाही. तुमचे मित्रांची वर्तुळ खूप विस्तारलेले आहेत. त्यांच्यापैकी अनेक जण दुसरी भाषा बोलणारे आहेत. जर तुम्ही जोडीदार निवडला नसेल तर याच मित्रमैत्रिणींमधून तुम्ही तुमचा जोडीदार निवडाल. तुम्हाला ओळखणाऱ्या व्यक्तींसाठी तुमची निवड हा एक धक्का असेल. तुम्ही विवाह करून समाधानी व्हाल. पण वैवाहिक आयुष्य हेच तुमच्यासाठी सर्वकाही असणार नाही. तुमच्यासमोर इतरही पर्यायी मार्ग समोर येतील आणि ते तुम्हाला घरापासून दूर नेतील. तुमच्या जोडीदाराने याला आवर घालण्याचा प्रयत्न केला तर कदाचित बेबनाव निर्माण होऊ शकेल.

आरोग्याचा विचार करता तुम्ही सुदैवी आहात. तुमची प्रकृती उत्तम आहे. पण जर कोणता अवयव इतर अवयवांच्या मानाने नाजूक असेल तो म्हणजे हृदय, आणि हृदयाशी जोडलेले अवयव. त्यामुळे चाळीशीनंतर हृदयाकडे नीट लक्ष द्या आणि त्यावर फार ताण येऊ देऊ नका. तुमच्या डोळ्यांचीही काळजी घ्या. पण ही काळजी उतारवयात घ्यायची नसून तरूणपणीच घ्यायची आहे. तुम्ही तारुण्य पार केले असेल आणि तुमची नजर उत्तम असेल तर समजा की, तुम्ही ते धोकादायक वळण पार केले आहे. उत्तेजक पदार्थांचा तुमच्यावर दुष्परिणाम होऊ शकतो. यांचे सेवन टाळता आले तर तुम्ही निरोगी दीर्घायुष्य जगाल.

तुम्हाला पर्यटन करणे फार आवडते, त्यासाठी वेळ आणि पैसे खर्च करण्याची तुमची तयारी असते. त्यासाठी तुम्हाला साध्या करमणूकीवर समाधान मानावे लागेल. पत्ते खेळणे तुम्हाला आवडते आणि वायरलेस सेटपासून ते फोटोग्राफी प्रिंटपर्यंत वस्तू तयार करण्यातून तुम्हाला आनंद मिळतो.